Lahing duha na pud ka mga Child Development Center ang paga tukoron dinhe sa lungsod sa Villanueva. Bag-ohay lang gi ground breaking ug kamulo na gi trabaho ang duha ka mga Child Development Center nga nahimotang sa Sitio Mambuaya ug Sitio Binacalan Barangay Kimaya ning atong lungsod.

Wala mahimong babag ang kalay-on sa maong mga lugar aron dili maka abot sa ila ang mga serbisyo ug programa nga angayan kanila. Mao ng luyo sa maong distansya nahimong malampuson ang gipahigayon nga pag ground breaking sa maong mga Child Development Centers.

Ang maong gipatukod nga mga tunghaan dunay ka dak-on nga 56sq meters nga completo sa roofing, tiles nga flooring, duha ka comfort room, pantry area ug waiting area.

Present sa maong kalihokan si Mayor Jennie Uy-Mendez, Vice Mayor Jeric Emano, Kagawad Hermil Valledor, ABC President ug Kapitan sa Barangay Kimaya nga si Kapitan Celso Yagma. Anaa sad sa maong kalihokan ang mga Barangay Functionaries, Child Development Workers, mga recipient nga mao ang mga residente ug ang mga estudyante.

Dili malimod ang importansya sa mga Child Development Centers mao kini ang unang tunghaan sa mga kabatan-onan, dinhe sad una sila maka tuon gawas sa ilang tagsa-tagsa ka panimalay. Mao ng gitagaan gyud sa pag tagad ni Mayor Jennie Uy-Mendez ang pag patukod sa maong mga tunghaan.

Bisan asa nga barangay sa Villanueva abton ka sa tinuoray nga serbisyo sa atong mga lideres nga kanunay nag pakabana sa katawhan.