Usa ka gatos (100) ka mga mag-uuma sa mga utanon, saging ug lubi (o high value crop farmers) kinsa naapektohan sa Bagyong Odette, nakadawat ug ayuda gikan sa lokal nga pangagamhanan sa Villanueva.

Kini human gimando sa atong halangdon nga leader, Mayor Jennie Rosalie Uy-Mendez nga tagaan ug ayuda ang mga mag-uuma kinsa naperwesyo sa bagyong odette.

Ang maong ayuda naglangkob sa mga abono alang sa mga utanon, abono alang usab sa saging ug lubi, ingon man mga nagkalain-laing klase sa mga binhi (seeds) sa utanon.

Sa usa ka yanong seremonya diha sa hawanan sa bag-ong municipyo, ug gitambongan sa mga opesyales sa lokal nga pangagamhan, giapud-apud ngadto sa mga mag-uuma ang nahisgutang mga ayuda niadtong Marso 8, 2022 sa hapon.

Alang sa dugang kasayuran sa mga serbisyo sa Municpal Agriculture Office, bisita lang sa ilang buhatan sa ikaduhang andana sa Bag-ong Municpyo.