August 24, 2021 | Villanueva, Misamis Oriental – Usa ka gatos (100) ka mga food vendors, sari-sari store and market stall owners ang nakadawat ug balor pito ka libo ug lima ka gatus ka pesos (PHp 7,500) isip Livelihood Assistance Grant o LAG.

DSWD Region X Personnel(On the right side), Barangay Affairs Staff and Ms. Liuxene Orditor, MSWDO(Left side)

Kini na ang ika tulo nga batch sa mga beneficiary para sa maong programa nga inisyatibo ni Congresswoman Juliette Uy ug pagpaningkamot ni Mayor Jennie Uy Mendez pinaagi sa buhatan sa DSWD Region X.

Tumong sa maong programa nga makahatag ug ayuda sa mga gagmay’ng negosyante sa lungsod ug maabagan ang ilang panginabuhian ilabi na nga apektado ang ilang negosyo sa pandemya.

Gipangulohan sa buhatan sa Municipal Social Welfare and Development Office (MSWDO) ang pagpang apud-apud sa maong grant nga gipahigayon sa Bongloy Hall, New Municipal Hall karung adlawa.