Noventay siete (97) ka mga mag-uuma kinsa nagatanum ug mais natunolan na ug ayuda. Kini human ang ilang pananum gipurwesyo sa Bagyong Odette niadtong bulan sa Desyembre sa nilabayng tuig 2021.

Ang maong kalihokan nahitabo human gimanduan ni Mayor Jennie Uy-Mendez ang buhatan sa Municipal Agriculture Office sa pagpangulo ni Sir Silvestre “Jun” Gorre Jr (Municipal Agriculturist} sa pag apud-apud ug ayudang abono ngadto sa mga mag-uuma nga hugot naapektahan sa maong kalamidad.

Ang kadako sa nahimong danyos sa ilang mais maoy gihimong sumbanan sa kadaghanon sa abono nga ilang nadawatan. Ang mga mitambong nga mga mag-uuma gihatagan usab ug bugas gikan gihapon sa Lokal nga Panggamhanan sa Lungsod sa Villanueva.

Ang maong pag apud-apud sa ayuda gipangunahan mismo ni Mayor Jennie Uy-Mendez uban ang mga miyembro sa Sanguniang Bayan, mga Kapitan ug mga kagawad sa barangay nga gipahigayon sa hawanan sa bag-ong munisipyo Pebrero 22, 2022.

SB Hon. Jovenil Jabiniao – Committee Chairman on Agriculture
SB Hon. Jeric Emano
SB Hon. Cheriza Ann Bantug-Dacumos
SB Hon. Eduardo Permi
Former SB Panguito Mortola Jr.
Punong Barangay Hon. Hermil Valledor – Barangay Imelda
ABC President/Punong Barangay, Hon. Celso Yagma – Barangay Kimaya

Alang sa dugang kasayuran kabahin sa mga serbisyo sa Municipal Agriculture Office kun (MAO) bisita lang sa ilang buhatan sa ikaduhang andana sa bag-ong municipyo sa Lungsod sa Villanueva.