October 14, 2020 | Villanueva, Misamis Oriental – Gibisita ni Mayor Jennie Uy-Mendez kauban ang iyang amahan nga kanhi bise-gobernador sa Misamis Oriental ang mga residente sa Baac Compound, Barangay Poblacion 1 nga labing naapektohan sa kalit nga pagbaha miaging adlaw’ng lunes, Oktubre 12, 2020.

Kini para personal nga itunol ang cash assistance nga gikan sa ilang kaugalingong bulsa ug mapadangat sa mga apektadong pamilya ang mga ayuda nga giandam sa Local nga Panggamhanan. Kini pud aron makita ang kasamtangan kahimtang sa mga apektadong pamilya nga mokabat sa 50 kapin ka mga panimalay ug dili mo minus upat ka gatos ka mga indibidwal ang naapektahan sa maong baha basi sa record gikan sa buhatan sa Municipal Social Welfare and Development Office (MSWD)

Dakong pasalamat usab sa halangdong Mayor sa kakugi sa MSWD gipangulohan ni Ms. Liuxene Orditor kauban si Ms. Tiffany Allera nga paspas nakahatag ug relief packs gikan sa DSWD Region X. Dugang kini sa food packs nga gihatag gahapong adlawa nga gikan sa LGU Villanueva.

Kauban usab sa maong pagbisita si Mr. Norman Ricacho, MDRRM Officer nga nangulo sa pagrescue sa mga biktima sa baha niadtong lunes sa gabie.