BAYLO BASURA STORE PROGRAM – MUNICIPALITY OF VILLANUEVA

Enero 25, 2022-Laing pasidungog na usab ang nasakmit sa Lokal nga Panggamhanan sa Lungsod sa Villanueva sa pagdumala ni Mayor Jennie Uy-Mendez, Sangguniang Bayan kauban ang buhatan sa MENRO Villanueva sa pagpangulo ni Sir Oliver Ello (MENRO HEAD).

Mr. Oliver Ello – MENRO HEAD

Nahimong isa sa mga awardees ang LGU Villanueva gumikan sa talagsaong programa nga namugna ug inisyatibo ni Mayor Jennie Uy-Mendez nga mao ang BAYLO BASURA STORE, nga gipasidunggan sa DENR Environmental Management Bureau kun (EMB) Region 10, atol sa gipahigayon nga ZERO WASTE MONTH 2022 program sa ilang buhatan sa Barangay Puntod Cagayan de Oro City.

MAYOR JENNIE ROSALIE UY-MENDEZ

Sa kinatibuk-ang 93 ka mga LGU’s sa tibuok rehiyon dyes lima lamang ka mga munisipyo ug syudad ang namahimong mananaog tungod sa talagsaong pamaagi or BEST PRACTICES ON SOLID WASTE MANAGEMENT (SWM) ug mao kini ang mga musunod, LGU Villanueva, LGU Maramag sa Bukidnon, LGU Iligan City, LGU Cagayan de Oro City ug LGU Gingoog City.

Nakakuha ug dakong puntos ang Baylo Basura Store program sa LGU Villanueva tungod sa unique nga innovations ug nakatabang kinig dako unsaon pag REDUCE, REUSE ug RECYCLE sa mga basura nga naa sa atong palibot ug mahimong hinlo ug livable ang atong tagsa tagsa ka mga komunidad.

Malipayong gidawat ni MENRO head Oliver Ello kauban iyang mga staff nga si Ms Augie Vanguardia ug Ms Jeamy Lou Sacol ang PLAQUE of APPRECIATION nga gitunol sa kadagkuan sa DENR EMB Region 10 sa pagpangulo sa ilang Regional Director Reynaldo S. Digamo.

Ms Augie Vanguardia – MENRO STAFF
Ms. Jeamy Lou Sacol – MENRO STAFF